18 гадоў таму, 27 ліпеня 1990 г., была прынятая Дэклярацыя аб дзяржаўным суверэнітэце Беларусі. Гэта другая па значнасці дата ў сучаснай гісторыі Беларусі пасля 25 сакавіка 1918 г., калі была абвешчана незалежнасьць Беларускай Народнай Рэспублікі.

Прайшло 18 год. Вырасла цэлае пакаленне беларусаў. Аднагодкаў незалежнай дзяржавы.

Сёння ў Вільні адбылася акцыя салідарнасці з затрыманымі актывістамі апазіцыі па справе аб выбуху 4-га ліпеня ў Менску.

Ля амбасады Беларусі маладыя людзі, сярод якіх былі актывісты БУНТ'у, МФ і студэнцкага аб'яднання ЕГУ "Студальянс", зладзілі перфоманс. Маладзёны, пераапранутыя ў супрацоўнікаў КДБ, "затрымалівалі" і "абшуквалі" студэнтаў, які трымалі дома пустыя пачкі ад соку, падручнікі па хіміі, гайкі і балты.

Фотаздымкі

На Кастрычніцкай плошчы ў Менску была разагнаная акцыя з патрабаваньнем вызваліць актывістаў апазыцыі, арыштаваных пасьля выбуху 4 ліпеня.

У 18.00 каля 50-ці прадстаўнікоў палітычных партый і рухаў сабраліся на Кастрычніцкай плошчы на знак пратэсту супраць узмацненьня рэпрэсій у дачыненьні да дэмакратычных актывістаў.

Фотаздымкі

Хутка выбары, і шэдэўры БТ вылятаюць з хуткасцю ракеты. У новай "Панараме" сюжэт пра апазіцыйную моладзь, якая "косіць" ад войска. Сасім, Вячорка, Каліта, Корбан ды іншыя - прычыну адкосу кожнага раскладваюць па паліцах. У сітуацыі "алкаголіка Корбана" БТшнікі, насуперак заканадаўству РБ, здымаюць яго асабістую медыцынскую справу. Іншага ад іх чакаць не прыходзілася, а вось Алег з лёгкасцю мог бы падаць у суд і выйграць справу. Выйграць - у любой цывілізаванай краіне...

Актывісты моладзевага руху супраціву БУНТ выказваюць шчырыя спачуванні пацярпелым у выніку выбуху ў ноч на 4 ліпеня падчас святкавання афіцыйнага Дня Незалежнасці ў Менску.

Мы заяўляем, што катэгарычна асуджаем дзеянні тых, хто здзейсніў гэты жахлівы тэракт і рашуча выступаем супраць любых гвалтоўных дзеянняў.

Сёння каля 12:30 у Берасці падчас распаўсюду друкаванай прадукцыі аб Еўрапейскім Звязе быў затрыманы актывіст БУНТ'у Іван Стасюк. Да суда Іван будзе знаходзіцца ў ІЧЗ Ленінскага РАУСа г. Брэста. Гэта ўжо яго трэцяе затрыманне на працягу месяца, таму хутчэй за ўсё суддзя вынясе пакаранне ў выглядзе арышту.

Сам суд адбудзецца заўтра, 30 чэрвеня, у 9:30 раніцы па адрасе: вул.Леванеўскага, дом 1. Заклікаем усіх неабыякавых падыходзіць падтрымаць Івана.

Акцыя супраць ментаўскога самавольства адбылася ўчора ў Берасці. Моладзевыя актывісты выйшлі на адну з самых ажыўленых вуліц горада і разгарнулі расцяжку “"Живой щит: ГАИ оправдали, потерпевших обвинили".

Маладзёны прастаялі каля 20 хвілінаў, пасля чаго патруль міліцыі затрымаў двух удзельнікаў акцыі - актывіста БУНТ'у Івана Стасюка і актывіста "Еўрапейскай Беларусі" Яўгена Скрабца.

Фотаздымкі

Расцяжка з такім тэкстам з'явілася ўчора на адным з мастоў Горадні.

Такім чынам гарадзенскія студэнты адзначылі паўгады са дня адмены ільгот для самых малазабяспечаных слаёў насельніцтва і нагадалі людзям, што ўлада ў пошуках сродкаў на сваё далейшае існаванне не спыніцца не перад чым, і наступнай "ахвярай" улады можа стаць кожны.

Фотаздымкі

Учора вечарам у Берасці адбылася традыцыйная акцыя Салідарнасці. Яна праходзіла ў цэнтры горада, на перакрыжаванні праспектаў Машэрава і Касманаўтаў. Удзельнікі стаялі ў ланцугу і трымалі ў руках партрэты палітвязняў.

Міліцыя, таксама традыцыйна, выконвала месячны план па лоўлі злачынцаў: падчас акцыі былі затрыманыя 4 актывісты БУНТу.

Падчас рэспубліканскага фестывалю нацыянальных культур, што адбыўся на выходных, гарадзенскія актывісты праінфармавалі ўдзельнікаў і гасцей мерапрыемства пра сапраўднае становішча ў краіне ў галіне эканомікі і развіцця беларускай культуры.

Маладзёны раздалі некалькі соцень улётак з тэкстам артыкулу Севярына Квяткоўскага "Краіна гастрабайтэраў". Таксама ў нядзелю наведвальнікаў фестывалю вітаў драўляны помнік князя Вітаўта з нацыянальным бел-чырвона-белым сцягам - фактычна забароненым у Беларусі.

Сёння зранку бунтаўцы правялі акцыю салідарнасці з арыштаванымі 15-га траўня Глебам Курцовым і Яраславам Сцешыкам.

На плоце, што абкружае будынак Цэнтральнага РУУС, былі вывешаныя нацыяльнальны бел-чырвона-белы і бунтаўскі сцягі, а таксама фота арыштаваных хлопцаў з подпісам "Свабоду палітвязням! Ганьба халуям рэжыму!". Менавіта ў гэтай установе іх "аформілі" як злосных мацяршчыннікаў.

Фотаздымкі

Не па мне ЛУКАвы бруд
і жыццё без змен.
лепей ужо пайду ў БУНТ,
чым загніваць у БРСМ!

Слова - за слова!
Паўстаў - змагайся!
Яшчэ не ў Бунце?
Дык ДАЛУЧАЙСЯ!

Толькі ў 18:00 пачаліся суды над удзельнікамі нашай учорашняй акцыі.

Хлопцаў звінавацілі ў нецэнзурнай лаянцы. Бунтаўцу Глебу Курцову і пазаштатнаму карэспандэнту "Нашай Нівы" Яраславу Сцешыку далі па 5 сутак арышту.

Затрыманага ўчора бунтаўца Зміцера Е. адпусцілі без складання пратакола. Магчыма, хлопца ўратавала пасведчанне "намеснік дырэктара" адной з даволі вядомых менскіх фірмаў, што яны знайшлі ў асабістых рэчах.

Фотаздымкі

Сёння прыкладна ў 19 30 падчас акцыі "Ўсе дыктатары аднолькавыя" ля гандлёвага дому "Няміга" амапаўцамі былі затрыманыя некалькі актывістаў БУНТ'у і журналіст "Нашай Нівы" Яраслаў Сцешык. У дадзены момант іх тэлефоны недаступныя.

Маладыя людзі праводзілі апытанне. Мінакам прапаноўвалася даць адказ на пытанне "Ці падобныя гэтыя людзі?", ацаніўшы характэрныя партрэты дыктатараў Гітлера, Сталіна, Лукашэнкі: з дзецьмі, у вайсковых строях і інш.

Фотаздымкі

9 траўня ў Бабруйску падчас святочных мерапрыемстваў на плошчы Перамогі актывісты БУНТ'у павіншавалі ветэранаў з Днём Перамогі - дарылі кветкі, паштоўкі. Трэба адзначыць, што дзядулі і бабулі вельмі прыязна ставіліся да беларускай мовы, выказвалі словы падзякі, ціснулі руку.

Можна па-рознаму адносіцца да мэтазгоднасці той вайны, разважаць адно аб змене акупацыйных рэжымаў і выкарыстанні ўладамі жыццяў простых людзей.

Фотаздымкі

Актывісты БУНТ'у прынялі ўдзел у спартова-патрыятычнай гульні "Звитяга", арганізаванай украінскай моладзевай арганізацыяй "Нацыянальны Альянс". На фота - прыезд удзельнікаў на месца і інструктаж камандзіраў.

Фотаздымкі