16 траўня, у Дзень беларускай салідарнасці, моладзь а 19 гадзіне прыйшла са свечкамі да кляштара бернардынцаў і касцёла святога Язэпа ў Менску. У супольнай малітве за вяртанне касцёлу Святога Язэпа вернікам прынялі ўдзел некалькі соцень чалавек. За імі назіралі некалькі дзесяткаў спецназаўцаў, побач стяў аўтазак. Маладыя людзі трымалі ў руках запаленыя свечкі. Некаторыя трымалі ў руках літары, якія ўтваралі надпіс: «Вярніце храм вернікам». Быў выкананы нацыянальны беларускі гімн "Магутны Божа". Пасля прысутныя паставілі свечкі ля ўваходу і разыйшліся. Некалькі чалавек было затрымана, але праз некаторы час іх вызвалілі без складання пратаколу.

Больш за пятнаццаць гадоў каталікі Менску дамагаюцца вяртання кляштара з касцёлам Сьвятога Язэпа. План рэканструкцыі комплекса былого кляштара бернардынцаў зацьверджаны мэрам Менска. Праект прадугледжвае поўную рэканструкцыю помніка 17 стагодзя пад гатэльны комплекс, які будзе змяшчаць рэстараны, падземны паркінг, басейн і йншыя забаўляльныя ўстановы. Вернікі кожны дзень увечары збіраюцца ля будынку касцёла і моляцца за яго вяртанне. Па-ранейшаму не спыняецца збор подпісаў у абарону касьцёлу.

Паводле Хартыі'97