Учора вечарам у Берасці адбылася традыцыйная акцыя Салідарнасці. Яна праходзіла ў цэнтры горада, на перакрыжаванні праспектаў Машэрава і Касманаўтаў. Удзельнікі стаялі ў ланцугу і трымалі ў руках партрэты палітвязняў.

Міліцыя, таксама традыцыйна, выконвала месячны план па лоўлі злачынцаў: падчас акцыі былі затрыманыя 4 актывісты БУНТу. Сяргея Срэднікава, Івана Стасюка і дзвюх дзяўчын праз некалькі гадзінаў адпусцілі з аддзялення міліцыі без складання пратаколаў. Таксама быў затрыманы актывіст "Еўрапейскай Беларусі" Яўген Скрабец.

Івана Стасюка сёння а 10-й раніцы чакае суд (распаўсюд друкаванай прадукцыі без выходных дадзеных).