Акцыя супраць ментаўскога самавольства адбылася ўчора ў Берасці. Моладзевыя актывісты выйшлі на адну з самых ажыўленых вуліц горада і разгарнулі расцяжку “"Живой щит: ГАИ оправдали, потерпевших обвинили".

Маладзёны прастаялі каля 20 хвілінаў, пасля чаго патруль міліцыі затрымаў двух удзельнікаў акцыі - актывіста БУНТ'у Івана Стасюка і актывіста "Еўрапейскай Беларусі" Яўгена Скрабца. Праз некаторы час іх вызвалілі без складання пратаколаў.

Пратэст юнакоў выклікала адмова пракуратуры распачаць крымінальную справу ў адносінах да супрацоўнікаў ДАІ па вядомай справе "Жывога шчыту". Тады, каб спыніць п'янага кіроўцу, міліцыянты загадалі іншым кіроўцам утварыць на шашы заслону. У аварыі некалькі чалавек атрымалі цяжкія пашкоджанні, у тым ліку і дзеці. У выніку саміх пацярпелых абвінавацілі ў стварэнні аварыйнай сітуацыі... Сёння па гэтай справе распачаўся суд.

Фота jeans-by.com