Хачу падзяліцца сваім досведам, як зрабіць футболку з малюнкам з дапамогай тэкстыльных фарбаў. ГЭТА ПРОСТА, трэба толькі час і цярпенне. Таксама напішу аб розных тонкасцях і праблемах, з якімі сутыкнуўся падчас выкананняў працы.

Карацей, пачнем з таго, што нам неабходна:

1 - Сама футболка, без яе нікуды :). Звычайная баваўняная ці нешта кшталту таго. Толькі не бярыце вельмі тонкія і танныя ("кітайскія") - распаўзуцца яшчэ да сканчэння працэсу афарбоўкі.

2 - Гатовы трафарэт на самаклейнай паперы (раю выкарыстаць самаклейку, бо прамалёўваць прыйдзецца ў некалькі слаёў, каб грані былі выразнымі, незмазанымі. Праўда, ён аднаразовы выходзіць. Малюеце самі або бярэце ў інтэрнэце малюнак трафарэта, друкуеце яго на прынтэры і выразаеце з дапамогаю ляза або канцылярскага нажа.

3 - Акрылавыя фарбы (тэкстыльныя) + міска або талерка, куды іх выліць. Фарбы можна купіць у краме для мастакоў, у аддзеле канцтавараў і г.д. Цэны не вельмі высокія, ды і расход фарбы атрымаецца невялікі.

4 - Кавалачак паралона або мачалку. Я купіў валік, але ў выніку ён апынуўся мне непатрэбным.

5 - Фен, якім будзеце сушыць фарбу, ды і прас вам спатрэбіцца...

ЗАРАЗ ПРЫСТУПІМ ДА ПРАЦЫ!

1- Клеіце трафарэт на футболку як мага раўней, ВАЖНА! Не раю адразу прыціскаць яго да футболкі, бо можа быць, што вы яго наклеіце крыва і прыйдзецца аддзіраць. А ад гэтага трафарэт можа сапсавацца і ў наступны раз дрэнна прыляпіцца, ПЕРАКАНАЙЦЕСЯ, што трафарэт ляжыць роўна і прыклейце, каб усе грані моцна трымаліся за тканіну.

2- НЕ ЗАБУДЗЬЦЕ ПАДКЛАСЦІ УНУТР ФУТБОЛКІ РОЎНЫ ВЯЛІКІ ЛІСТ КАРДОНА (можна і паперу, але яна можа прыліпнуць да ўнутранага боку)!!! Бо тканіна прамокне фарбай і ёсць ВЕЛІЗАРНАЯ рызыка, што ваш малюнак яшчэ аддрукуецца і на заднім баку футболкі!

3- Выліце трохі фарбы ў міску. Бярэце кавалак паралона і кончыкам макаеце ў фарбу (шмат фарбы адразу не бярыце!) і наносіце ім на футболку, прыціскаючы паралон да футболкі. Глядзіце, каб усе вугалкі і дробныя дэталі прамалёўваліся!

4- Як толькі вы вырабілі слой фарбы, сушыце гэтую ўсю справу фенам (так хутчэй)! Думаю, 5 хвілін хопіць, залежыць ад малюнка.

5 - Наносіце гэтак жа яшчэ 2-3 слаі. Памятайце, што фарбу лепш не разводзіць, бо могуць быць падцёкі...

6- Калі ёсць месцы, якія вы жадаеце зрабіць іншым колерам (як у маім выпадку), то скарыстайцеся лістком паперы або кардона - пакладзіце яго на тое месца, дзе бы вы жадалі нанесці іншую фарбу. Лепш за ўсё замацаваць кардон скотчам.

7- Канчаткова прасушыўшы фенам, акуратна здымаем трафарэт з футболкі.

8- Зараз бярэм і гладзім усю гэтую справу прасам. Тэмпература залежыць ад тыпу тканіны, на кожнай фарбе напісана, з якога боку яе лепш прагладжваць, я аддаю перавагу з задняга боку футболкі, а потым і з пярэдняга. Пакуль нічога дрэнна не здаралася :)

Па ідэі, футболкі можна сціраць пры тэмпературы не вышэй 40 градусаў у пральнай машынцы ў далікатным рэжыме. Пры ручным мыцці ў прахалоднай вадзе фарба не цякла, але на ўсякі выпадак, замочвайце футболку асобна ад іншых рэчаў (каб іх не зафарбаваць). Карыстайцеся!

Падрыхтавана buntby.com на аснове матэрыялу pwn4z0r