На апошнім Сойме Партыі БНФ 16 лютага быў прыняты дакумэнт «За партыйную этыку і дысцыпліну».

Сярод іншага, дакумэнт утрымлівае наступныя палажэньне: «Недапушчальнай лічыцца публічная крытыка якіх-кольвечы рашэньняў Зьезду, Сойму Партыі, а таксама дзеяньняў і выказваньняў старшыні, намесьнікаў старшыні, сяброў Сойму Партыі ў прысутнасьці сяброў іншых партый ці беспартыйных асоб або ў непартыйнай прэсе».

Старшыня Партыі БНФ Лявон Баршчэўскі кажа, што падобныя пункты ў статутах ёсьць у многіх эўрапейскіх партый.

«Дакумэнт цалкам адпавядае нашаму статуту. Ён ўпарадквае звычаёвае права, якое існуе ў кожнай арганізацыі. Напрыклад, сябар нашай партыі ня можа агітаваць за іншую партыю ці палітычную структуру», – кажа Л.Баршчэўскі.

Паводле Нашай Нівы