Учора ў Каракасе дзесяткі тысяч венесуэльскіх студэнтаў, якія пратэстуюць супраць рэжыму прэзыдэнта Уга Чавеса, накіроўваліся да будынка Вярхоўнага суду краіны, калі невядомыя ў масках адкрылі па іх агонь.

Па розных дадзеных, ад аднаго да дзевяці чалавек загінула. Шасьцёра атрымалі раненьні. Пакуль яшчэ сапраўды невядома, хто менавіта страляў па студэнтах. Твары людзей, якія нападалі, былі ўтоеныя лыжнымі маскамі.

Дэманстрацыя пратэсту была выкліканая папраўкамі ў канстытуцыю краіны, якія былі ўхваленыя 3 лістапада кангрэсам Венесуэлы. Новаўвядзеньні ў канстытуцыю адмянілі абмежаваньні па тэрмінах прэзыдэнцтва. Дадзеныя папраўкі прэзідэнт краіны Уга Чавес прапанаваў яшчэ ў ліпені. Зараз засталося толькі правядзеньне рэферэндуму ў сьнежні.

Акрамя магчымасьці перавыбірацца на прэзыдэнцкі пост неабмежаваную колькасьць раз, папраўкі даюць магчымасьць затрымліваць грамадзян без прад'яўленьня ім абвінавачваньня падчас палітычных хваляваньняў і стыхійных бядот. Разам з вышэйпаказанымі, прасоўваны дзеючым прэзыдэнтам пакет мер утрымоўвае і такія рэформы, ад якіх народ не зможа адмовіцца: прапаноўваецца скараціць працоўны дзень і інш. сацыяльныя рэформы.

Па неафіцыйных зьвестках толькі за апошнія 3 дні дэманстрацый загінула каля 10 чалавек, а ранена каля 100 студэнтаў.

Паводле Хартыі'97 і Associated Press